Zorionak kaskarrabias!

Blog honetan zehar jende askori egin diot omenaldiren bat urte osoan zehar: izan anaia, ama, lagunak,... edozein! Gustatzen zait jendeari ezagutaraztea nor izaten den nire makulu eta poztasuna. Baina ez dut denei buruz idatzi, eta falta zaizkidan askotarikoetakoen artean horietako batekin amaituko dut nire egonaldia Estatu Batuetan, bihar bainoa Euskal Herrira agur festa bat egin ondoren.

Oso maitagarria da, pertsona zoragarria, bihotz bikainekoa, azkarra eta jantzia as fuck eta nire bizitza osoan zehar ezagutu izan dut, hor egon da, nire ondo-ondoan. Zenbat aldiz barre egin dugu bere euskararekin, bere aiton itxurarekin, bere despistatzeko joerarekin, bere berezitasunarekin,... Eta zer errudun sentitzen naizen. Eta zenbat bronka izan ditugu bere jenio garratz eta indartsu horrekin. Hala ere, bizipen izugarri onak ditugu (baita ez hain onak ere) elkarrekin eta ezingo nuke bera gabe bizi.

Gaur Estatu Batuetan, Ekainaren 19an, Aitaren eguna da, eta lagun guztiak elkartu dira familia artean bazkari handi bat ospatzeko. Nik ezingo dut hori egin gaur (agian bi egun barru), baina hemendik nire maitasuna adierazi nahi diot aitatxori.
Izugarri lagundu dit urte osoan zehar (bere erara batzuetan), pixkanaka-pixkanaka hobetzen ari da bere puntu ahuletan, eta bera askoz gehiago apreziatzen ikasi dut denbora pasa den heinean.

Aita, nahiz eta askotan izugarrizko bronkak eduki (nire jenioarengatik batik bat) zurekin, nahiz eta ikuspegi ezberdinak eduki, nahiz eta gauza batzuek mindu gaituzten, harro nago zure semea izateaz, oso pozik.

Zorionak kaskarrabias!

Aloha denei!

Gaur zortzi etxean egongo naiz, Gasteizen, familiarekin, lagunengandik gertu, eta duela zortzi Hawaiira iritsi berria nintzen, Jose espainiarrarekin Lyn laguna bisitatzeko asmoz eta irla ezagutzeko.

Hawaiar irlak 7 uhartek osatzen duten artxipielago bat dira, Oahu (Honolulu izanez jende gehien bizi den irlan hiri famatuena), Hawaii (irla handiena, Kona eta Hilo dira hiri nagusienak), eta Linai (pinaregatik famatua)izanik irlarik famatuenak. Gainera, urte batzuen barruan (menderen baten ostean)beste irla bat aterako da ur azalera irla handiaren behealdean.

Gu Oahun egon ginen aste bete, Lyn han bizi baita, Ewa Beachen hain zuzen. Bere familiak oso ondo jaso gintuen eta kuadrila ona osatu genuen hiru gazteak Frank-ek (hirugarren belaunaldiko japoniarra) eta Vida Lindak (filipindarra).

Hori izan zen gure lehenengo shocketako bat, Hawaiiren asiartasuna, eta telebistan saltzen duten bertakotasun horren garrantzia txikia. Hawaii 1775 urte inguruan Cook kapitainak deskubritu zuen, zeinek milioi bat Hawaiiar peto-peto biztanle gisa zituen ustiatu gabeko irla zoragarri batzuen aurrean topatu zen.
Milioi horretatik 5000 natiboetara pasatu zen Hawaii, atzerritarrek ekarritako gaixotasun eta beste hainbat arrazoirengatik (Kolonen antzera, ez pentsa).

Egoera honetan Hawaii bertakoek eta ingalaterrakoek osatzen zuten, burua Hawaiiko erregea ze

Boluntario izatearen magia

Oporretan egoteak ez du esan nahi ezer ere egiten ez dudanik. Oporretan egoteak ez du esan nahi goizeko 9tan atera ostean gaueko 10tan iristea posible ez denik, bazkaltzeko atsedenalditxo bateko etenarekin, soilik.

Goizean Juanita Uberuagaren egunkari sortan lan egin genuen 7 bat pertsonek, aldi berean: denak 60 urtetik gora, ni salbuespen gisa. A zer irriak, a zer elkarrizketa eta gai barregarriak, a zer oroitzapenak,... zituzten andreek eta Davek. Dave Navarro politikaria izan zen duela 20 urte, oso pertsona errespetatua Boisen, eta nik atzo ezagutu nuen. Kontua da bere hilobaren irakaslea izan nintzela hemengo eskola batean astean behin Udazkn osoan zehar.

Gainera, egunkari zati horietan, alkatearen hasierak, nire lagunen guraso pila bat, eta Josu nire hemengo lagun minaren jaiotza ikusi nituen, oso zirraragarria eta berezia dena.

Unibertsitatera papeleo pixkat egiteko joan ondoren, hurrengo lantxoan murgildu nintzen, zerbitzari. Nire lehenengo aldia mundu berezi horretan: inoiz ez naiz hain arretatsua, edukatua eta perfekzionista izan, baina merezi izan zuen, dudarik gabe. Esperientzia bikaina izan zen eta jende esanguratsua eta jatorra ezagutu nuen, museoari bakoitzak 800 dolar ordaindu zizkioten 12 jaun-andre, afari baten aitzakiarekin. Zenbat gozatzen dudan jende helduarekin hitz egiten!

Gainera, janari dexente sobratu zen, eta hortxe zegoen Euskaldun bat Amerikan sobratutakoa (zopa, entsalada, arkumea, arroz esnea, txorizoa, gazta,...) jaten.

Azkenerako gaua luze joan zen eta Pattyk eta biok dena bukatu genuenerako 9:30ak ziren (afaria 6tan zen eta prestatzen 5etan hasi ginen), baina esperientzia oso aberasgarria,ia magikoa!

Larunbat bat Berriotxoatarren etxean

10etan altxatu, gosaltzen hasi, Kate lagunaren bisita jaso eta abesti hau dantzatzen hasi dira hiru neskak, gero nire aurrean dantzatzeko...

Blogean zerbait idazteko garaia ! ! !

Bihotzetik Mundura

Hesianek gure Boiseko Ikastolari egindako kantaren izaenburua. Eta nire harremana Ikastolarekin, hau da munduratzeko nahia.

Pasa den asteazkenean Ikastolako azken eguna izan zen aurtengoz. Hori ospatzeko, eta batzuk Ikastola utzi eta 'handien eskolan' hasiko direla ospatzeko, bazkari bat antolatu zen, omenaldi txiki batekin.

Oso hunkigarria izan zen, Mara zuzendaria erdi-negarrez, umeak beti bezain potxolo, janari oso goxoa,... Gainera, hainbat arrazoirengatik Ikastolara ez naiz hain maiz joan lauhilabeteko honetan, eta duela sei hilabete ikusi gabe nituen umeak zenbat hazi diren eta zenbat maite ginen elkar gogorarazi ahal izan dut, batik bat Carley eta bere hazte sinestezina. Horretaz gain, pertsona batekin arazo dexente eduki ostean, horiek gaindituta daudela jakitea oso pozgarria izan zen (gogoratzen planteatu nizuen dilema hori?).

Beno ba Ikastola! Laster arte, maite zaituztet!

Ezjakinaren pausuak

Hau azkenaldi honetan buruan izan dudan pentsaera bat da, ez dakit nirekin ados egongo , baina mundu arrotza batean zaudenean, denbora luzez egon zaitezke gauzak pixkanaka pixkanaka ikasten, eta bapatean, zortzi hilabete ondoren, adibidez, behin zerbait ikusi eta behin eta berriro ikusten duzu, seinale bat bezala, hori ondo ikasi dezazun.

Askotan gertatu zait hemen fenomeno hau, batik bat hizkuntzarekin: AEB-tako ingelerak esaera ulertezin asko ditu, eta orain dela hilabete batedanik, jende guztiak 'Ez horregatik' esateko You bet esaten dit.

Yellowstonetik itzultzen ari nintzenean (bai, Yellowstonen egon nintzen, mundiala), oso gaizki gidatzen zuen tipo bat zegoen aurrez aurre, eta Kristianak nire marmarrei honako erantzun hau eman zien ' Zer nahi duzu, Jeromekoa -konderria- da'. Eta nik harrituta nola zekien galdetu nion AEBtako matrikuletan edozer jarri baitezakezu baina ez du zure jatorria esaten,... Baina bere matrikula 2J batekin hasten zen, eta antza denez ba konderri bakoitzak bere hasiera propioa du matrikuletan zuk horrela jarri nahi izanez gero.




1A: Ada County, hau da, Boise barruan dagoen konderria




Euskaldunetako bat Boisen, baina Patxi, Euzkadi eta beste hainbat ikusi ditut.




Ez nago ziur baina uste dut hau Henar nire lagunarena dela, Gatibu taldearen jarraitzaile sutsua.

Egia esan matrikulen gauza honek magia pittin bat ematen dio kalean ibiltzeari eta gidatzeari, denetik aurkitu dezakezu, denetik!

Famatua izatetik gertuago

LA Times-en agertu ostean (ez dut argazkirik ikusi interneten, baina), ezaguna izateko egiten ari naizen saiakerak aukera ona izan dute gaur. Euskal Museoan nengoen lan egin ostean, Lazar lagunarekin hitz egiten eta ondorenerako plana erabakitzen. Bapatean, Dave Bieter alkatea atera da eta euskaraz hasi gara, beti bezala. Ez da 'ezezagunekin' asko hitzegiten iaioa, baina gehiago hitz egiteko eskatu dit, nire harridurarako! Ez nekien grabatzen ari gintuztela!

Antza denez, BSU-ko kirol taldeak konferentziaz aldatuko dira, WAC liga ahuletik Mountain West indartsura mugituko dira, Boiserentzat diru asko dago jokoan eta alkateak badaki. Kirol telebista bateko kazetari batzuk ari ziren alkatea elkarrizketatzen Euskal Auzoa atzean zutela, eta pentsatu dute euskarazko solasaldi bat mundiala izango litzatekeela. Horregatik, bere alabari buruz (Ikastolako ikaslea), Korrikari buruz, eguraldiari buruz, futbolari buruz,... aritu gara, mundu guztia agurtzen ari zitzaigun bitartean (bera agurtu, imaginatzen dut).

Ea noiz kaleratzen den elkarrizketa! Ziur naiz nire burua moztu eta bere hitzak bakarrik agertuko direla...