Hemengo unibertsitateak oso garestiak direla gauza jakina da, baina ikasleen gehiengoak mota, gustu eta kolore askotako diru-laguntzak dituzte. Esaterako, Natashak diru mordo polita jasotzen du eskola batean 'bolondres' bezala laguntzen badu. Jerod-ek, berriz, Kaliforniakoa delako du diru-laguntza; Zanak, Lazarren neska lagunak, 7,5 eko media baina altuagoa izan behar du beka mantentzeko,...
Eta Boise Statek urtero ekimen interesgarri eta osasuntsu bat antolatzen du diru-laguntzak eman ahal izateko dirua lortzeko. Beat Coach Pete du izena (menperatu Pete entrenatzailea) eta izenak dioen bezala, gure amerikar futboleko entrenatzaile famatuak baina denbora hobea egin behar duzu lasterketa batean. Lortzen baduzu, 'I beat Pete' jartzen duen kamiseta bat ematen dizute, eta ez baduzu lortzen, 'I will beat Pete next year'. Parte hartzeko, baina, gutxienez 5 dolar ordaindu behar dira.
Nik, gaixorik nengoelako eta Ordiziako San Silbestre xarmangarrian nire anaiarekin eta lagun Balerdirekin batera inoiz ez joatearen penaz, Sakura japoniarrarekin joan naiz mantso-mantso eta berriketan, eta noski, 'Hurrengo hurtean Pete gaindituko dut' kamiseta jaso dut, baina ez dit axola, nahiz eta hemen ez egon datorren ikasturtean. Gainera, gure entrenatzaile goraipatuari eskua eman nion, Errealeko kamisetarekin!
Oso goiz dibertigarria izan da, jendez gainezka zegoen kanpusa, eta lasterketan parte hartu izanaz benetan poztu gara. Hori bai, ekimenaren intentzio ona ahaztu gabe, ez dut ulertzen zergatik igotzen zaion Chris Peterson entrenatzaileari soldata urtero, Idahoko instituto eta Lehenengo Hezkuntzako irakasle asko langabezian gelditzen ari diren bitartean on-line klaseen hastapenagatik.
Jerod-ek, skypean nire lagunak eta familia biluzik agurtzeagatik famatua, gisa honetan korrika egin zuen: erdi-biluzik eta oinutsik. A zer zoroa!
No hay comentarios:
Publicar un comentario