Hollywood Old Night

Astearte gaua. 8ak erlojuan. Zure saskibaloi talde korearrarekin (zu zara taldeko 'txuri' bakarra) ez duzu jolastu nahi eta e-mailetan ikusi duzu 80ko hamarkadako Hollywooden oinarrituz dantza-ekitaldi bat egingo dela gau horretan, non eta futbol amerikarreko zelaiaren jatetxean. Hori gutxi balitz, jendea elegante jantzita joan behar da.

Lagunekin hitz egin eta zirt edo zart aldatu (dituzun arropa dexenteenak jarri) eta dantzara!



Dantzara joan ginen goiko argazkiko laurak . Asmatu nor den Lyn hawaiarra, Jose espainiarra (pista: gerrikoa), lehenengo aldiz makilatu zen Natasha eta ni neu.

Hor agertu ginenean lotsatuta geunden, ez baitzegoen jende gehiegi eta ez genuelako kalimotxorik eskuetan, baina azkenean giroa alaitu, gorputzak animatu eta dantzatzen hasi ginen. Gainera, nire oso gustukoak diren dantza amerikar tentelenak (azkenean Hollywood eta Old hitzen arrastorik ez) jarri zituzten eta gau osoa egon nintzen dantzatzen... tragoen beharrik gabe! Hau da herrialde honetan ikasi dudan gauza bat, alkoholik gabe sozializatzea eta dantzatzea eta ez dago batere gaizki, gibelak eta gorputzak eskertuko didate!