No soy coreano, no soy japones. Soy desarraigado.

Go! filmean esaten den esaldi bat da honako hau. 2001ean argitaratutako filme japoniar hau izan zen gure lagun eta klasekide Shin, JongHyeon, Dasom eta Sakurak aurkeztu zuten gaia, eta benetan gai interesgarria izan zen.

Pelikulak Zainichi-en arazoa jorratzen du Japonian. Zainichiak Japoniara joandako atzerritarrak dira, baina batik bat, korearrak. Japoniar Inperioak korearrak menderatu zituenean 1910. urtean asko eta asko Japoniara joan ziren esklabu eta militar gisara. Halaber, berdina gertatu zen Bigarren Mundu Gerran. Horietako asko eta asko 1948.ean itzuli ziren beraien sorlekura Itzulera Mugimendua delakoarekin.

Hala ere, eta arrazoi ezberdinengatik (dirua, korearren arteko banaketa, han inor ez edukitzea etab.), denak ez ziren itzuli eta geroztik japoniar gizartearen mezpretxu handiena jaso zuten. Izan ere, ez dute japoniar hiritartasunik eta gehienak iparkorearrak izanik, ez dute ez japoniar eskoletara joateko aukerarik, ez handik ateratzeko paradarik,... Beraien ikasketak erregimen iparkorearraren esku dagoen eskoletan burutzen dute, hortaz, beraien japoniarra ez da soberan ona eta edukiak desberdinak direnez zaila dute lana lortzen edo unibertsitatera sartzen.

Horretaz gain, mezpretxu fisikoa ere jasotzen dute eta jende asko Zainichiak jipoitzen saiatzen da inguruan daudenen isiltasunaren aurrean. Honen guztiaren ondorioz, talde sozial frustratu baten aurrean aurkitzen gara, beraiek izanik gaizkile tasa handiena dutenetako batzuk. Ez dira korearrak Japonian jaio baitziren, baina herrialde hartan ez dira onartuak.

Benetan gai serioa da eta pentsa, Shinek esan zigun bezala behin Zainichi batzuengatik jipoitua izan zen eta ondoren besteek barkamena eskatu eta beraien istorioa kontatu ondoren lagunak egin omen ziren. Gainera, Shinen andregaia txinatar Zainichi bat da baina honek ezkutatu egin zion elkarrekin bi urte eman ostean. Hau aitortu eta negar betean hasi zen.

Pelikula japoniar neska batez maitemintzen den Zainichi baten inguruan garatzen da. Protagonistak hainbat jenderen ezetza eta gorrotoa (bere neskalagunarena barne, Zainichia zela aitortu zionean) jasoko du, baina azkenean japoniar hiritartasuna lortzen du ondo ordaindu ondoren eta nola edo hala egokitzen da (eta neskarekin itzultzen da). Hala eta guztiz ere, bera Sugihara (bere izena) dela besterik ez aitortzen du, ez japoniarra, ez korearra.