A zer lata eman niena nire hemengo lagunei Inauteriak direla eta: zenbat botatzen nuen faltan parranda hori, gau on bat izango denaren sentimendua, Pocahontasen mozorroak izango duen arrakastan pentsatzeak ematen duen urduritasuna,... eta gau honetan egiten diren zorakeriak.
Eta azkenerako faltan bota nuen, baina ez hainbeste. Batzuetan zorakeriak gehiegi direlako. Neurrigabeak. Ulertezinak. Dibertigarriak izan daitezke baina ankerrak ere batzuetan.
Horregatik, badakit egun batzuen ondoren hau irakurriko duzula eta garai hartarako beranduegi izango dela, baina jakin dezazula, Inauteriak egun beltz bat bilakatu direla niretzako (aurten behintzat) nire egutegian eta nire etxemina ez dela hain handia orain. Beno, agian bai, baina besarkada bat emateko eta ikusteko trago txarra ahaztua duzula, 'grazia' honek bizi garen mundua zein den ikasteko eta are eta pertsona paregabeagoa izateko balioko dizula.
Nire irria eta dolua zuretzako, betiko laguna zaren horri. Animo!
No hay comentarios:
Publicar un comentario