Aspaldi hitz eman nuen bezala, lagunentzako sukaldatu behar nuen 'euskal' janaria eta eskusarik gabe geratu ginenez Lazar eta biok ostiral honetan egin genuen.
Eskerrak amerikarrak denei bikain irizten diotela, bestela nire autoestima ondoratuta legoke! 3 ordutik gora egon nintzen sukaldatzen eta janaria ordu erdian bukatu zen.
Hala ere, ondorio batzuk atera daitezke:
Alderdi baikorrak:
- Arroz esnea egiten artista bat naiz ni... (kantak dioen bezala)
- Azalorea gaztarekin ez dago txarra
- Bigarren patata tortilak tortila itxura zuen
Hobetu beharreko alderdiak:
- Patatas a la riojana: Arginano! Zure errua izango ote da zopa berde antzeko zerbait geratzea?
- Piperrak bukatu bazaizkizu tortilarako, ez da ideia ona Pimientos Padron gehitzea... nahiko berotzen dute asuntoa!
- Hurrengoan ez Lazarrekin sukaldatu: berak ordu erdian bukatu du kongelatutako gauzak sukaldatzen (bere neskaren laguntzarekin) eta zuk dirutza eta denbora handi xamarra xahutu dituzu!
Hori ba, itzultzen naizenean zuen janaria jateko irrikitan egongo naiz, nik ontziak garbituko ditut.
No hay comentarios:
Publicar un comentario